New Books: কুলদীপ মেধিৰ কবিতাঃ নতুনৰ আশাত
নতুনৰ আশাত
DD TIMESৰ আজিৰ কবি কুলদীপ মেধি
বিলৰ পাৰত চৰাইবোৰ আহি বহিছে
প্ৰচণ্ড শীতত ঠৰঙা লাগিছে গছবোৰ
মানুহৰ মুখৰপৰা শব্দবোৰ ধোৱা হৈ উৰিছে
বিশ্ৰী যন্ত্ৰণাত।
জুইকুৰাই সেকি আছে
দুখনি হাত
দুখৰ ভৰ সহি সহি সোত-মোচ খোৱা
ছালখনৰ বিন্ধাইদি তাপ সোমাই উম দিছে
ক্লান্ত জীৱনটিক।
বছৰ বাগৰিল
বছৰ আহিল
শুভ্ৰতাই ধুৱাই নিয়া ধৰিত্ৰীৰ কপালত
ৰঙালৈ বেলি উজলি উঠিছে
নতুনৰ আশাত।
