FAKE DOCTO IN SILCHAR: কাছাৰত ১৪ ভুৱা চিকিৎসকক গ্ৰেপ্তাৰ
কাছাৰ জিলাত এই পৰ্যন্ত ১৪জন ভুৱা চিকিৎসকক গ্ৰেপ্তাৰঃ আৰক্ষীৰ জালত শিলচৰৰ ভুৱা চিকিৎসকৰ মাষ্টাৰ মাইন্ড ডাঃ জয়ন্ত প্ৰসাদ দাস
DD TIMES শিলচৰ, ২৩ অক্টোবৰঃ কাছাৰ আৰক্ষীৰ জালত শিলচৰৰ ভুৱা চিকিৎসকৰ মাষ্টাৰ মাইন্ড ডাঃ জয়ন্ত প্ৰসাদ দাস ধৰা পৰিল। কাছাৰ জিলাত এই পৰ্যন্ত ১৪জন ভুৱা চিকিৎসকক গ্ৰেপ্তাৰ কৰিছে আৰক্ষীয়ে।
বৃহস্পতিবাৰ দিনা আৰক্ষীৰ জালত ধৰা পৰে কাছাৰ জিলাৰ চিকিৎসকৰ ভুৱা চাৰ্টিফিকেট বেহাৰ মাস্টাৰমাইন্ড শিলচৰ চহৰৰ মৌচুমী হাস্পতালৰ স্বত্বাধিকাৰী ডাঃ জয়ন্ত প্ৰসাদ দাস (জে পি দাস)।দীৰ্ঘদিন ধৰি বিভিন্ন অভিযোগত জুৰুলা কৰা এই তথাকথিত চিকিৎসকগৰাকীৰ এই কাৰ্যক লৈ জনতাৰ ক্ষোভ তুংগত উঠিছিল।
অৱশেষত আৰক্ষীয়ে আজি তেওঁক গ্ৰেপ্তাৰ কৰি আদালতত হাজিৰ কৰে আৰু আদালতৰ অনুমতি সাপেক্ষে তদন্তকাৰী দলে চাৰিদিনীয়া আৰক্ষীৰ জিম্মাত লৈ জেৰা আৰম্ভ কৰিছে।
এই দিনা শিলচৰত কাছাৰ আৰক্ষীৰ জেষ্ঠ্য আৰক্ষী অধীক্ষক নোমল মাহাত্তাই ঘটনা সন্দৰ্ভত সদৰি কৰি কয় যে, শেহতীয়াকৈ কাছাৰত ধৰা পৰা ভুৱা চিকিৎসকৰ অধিকাংশই ডাঃ জে পি দাসৰ পৰা বৃহৎ পৰিমাণৰ ধনৰ বিনিময়ত ভুৱা প্ৰমাণ পত্ৰ সংগ্ৰহ কৰিছিল।
এই নথি-পত্ৰ ব্যৱহাৰ কৰি বছৰ বছৰ ধৰি নিৰীহ ৰোগীক প্ৰতাৰণা কৰি আহিছে। তদন্ত অনুসৰি সমগ্ৰ চহৰত তথাকথিত চিকিৎসা প্ৰতিষ্ঠান আৰু গৱেষণা কেন্দ্ৰৰ নামত কেইবাটাও ভুৱা প্ৰতিষ্ঠান স্থাপন কৰা হৈছিল। য’ৰ পৰা ভুৱা ডিগ্ৰী, এম বি বি এছ আৰু নাৰ্চিং চাৰ্টিফিকেট প্ৰস্তুত কৰা হৈছিল।
অভিযোগ অনুসৰি এই সমগ্ৰ জালিয়াতিৰ মাষ্টাৰমাইণ্ড আছিল মৌচুমী হাস্পতালৰ স্বত্বাধিকাৰী ডাঃ জে পি দাস। তেওঁ কেৱল ভুৱা ডিগ্ৰী বিক্ৰী কৰাই নহয়, ভুয়া চিকিৎসকৰ জৰিয়তে নিজৰ চিকিৎসালয়ত চিকিৎসা প্ৰদান কৰি বৃহৎ ধন লাভ কৰিছিল।
তেওঁ কয় যে,তদন্তৰ সৈতে জড়িত শিলচাৰ পি. গোচৰ নং ৭৮৬/২৫, ইউ/এছ- ১২৫/২৭১/৩১৮(৪)/৩১৯(২)/৩৩৬(৪)/৩৪০(২)/১১২(২)/১১০ বিএনএছ য’ত গ্ৰেপ্তাৰ কৰা হৈছিল পুলক মালাকাৰ নামৰ এজন ভুৱা চিকিৎসক গ্ৰেপ্তাৰ কৰা হৈছিল।
তেতিয়া অধিক তদন্তত প্ৰকাশ পাইছে যে এজন চিকিৎসক যথা জয়ন্ত প্ৰসাদ দাস আৰু তেওঁ এমডি.(অলটাৰনেটিভ মেডিচিন)কে ধৰি ভুৱা মেডিকেল ডিগ্ৰী আৰু চাৰ্টিফিকেট প্ৰদান কৰা এটা অস্বীকৃতিপ্ৰাপ্ত প্ৰতিষ্ঠান নেচনেল ইনষ্টিটিউট অৱ মেডিকেল ছায়েন্স (এন আই এম এছ) চলাই আহিছে।
ভুৱা কলেজৰ নেক্সাচ চলোৱা, ভুৱা ডিগ্ৰী আৰু জনসাধাৰণৰ মাজত চিকিৎসক হিচাপে প্ৰেকটিছ কৰি থকা আৰু দুটা দশকৰ পৰা জনস্বাস্থ্যৰ গুৰুতৰ বিষয়ৰ সৈতে খেলা-ধূলা কৰা ব্যক্তিক প্ৰমাণপত্ৰ দিয়াৰ অভিযোগ উত্থাপন হৈছে মিষ্টাৰ জে পি দাসৰ বিৰুদ্ধে। অথচ এই প্ৰমাণপত্ৰসমূহৰ কোনো আইনৰ অধীনত কোনো আইনী স্বীকৃতি নাই।
গোচৰৰ প্ৰধান অভিযুক্ত পুলক মালাকাৰকে ধৰি উক্ত প্ৰতিষ্ঠানটোৱে অন্যান্য চিকিৎসকক প্ৰমাণপত্ৰ প্ৰদান কৰে, যাৰ ফলত তেওঁলোকে অবৈধভাৱে প্ৰেকটিছ কৰিব পাৰিছিল। নেশ্যনেল মেডিকেল কাউন্সিল (এনএমচি) আৰু অন্যান্য যোগ্য কৰ্তৃপক্ষৰ অনুমোদনৰ অভাৱ আছিল এনআইএমএছ।
জে পি দাসৰ বিৰুদ্ধে নিজৰ চিকিৎসা বৃত্তিৰ অপব্যৱহাৰ কৰি এই অবৈধ ছিণ্ডিকেট চলোৱাৰ অভিযোগ উত্থাপিত হৈছিল। এই ছিণ্ডিকেটত চিকিৎসক বা স্বাস্থ্যকৰ্মীৰ বেশত অসংখ্য অযোগ্য ব্যক্তি জড়িত হৈ থকা বুলি জানিব পৰা গৈছে, যাৰ ফলত জনসাধাৰণৰ সুৰক্ষা আৰু বিশ্বাসৰ লগত আপোচ কৰা হৈছে।
অভিযুক্তই মূলতঃ ব্যক্তিগত আৰ্থিক লাভৰ বাবে এই পৰিকল্পনা কৰা বুলি সন্দেহ কৰা হৈছে।
পৰৱৰ্তী সময়ত ডাঃ জয়ন্ত প্ৰসাদ দাসক গ্ৰেপ্তাৰ কৰি আদালতত হাজিৰ কৰুৱা হয় আৰু অধিক তদন্তৰ বাবে আৰক্ষীয়ে চাৰিদিনৰ ৰিমাণ্ডত লৈ আহে বুলি জেষ্ঠ্য আৰক্ষী অধীক্ষক নোমল মাহাত্তাই জানিবলৈ দিয়ে।
