DD TIMES নগাঁও, ২৫ ছেপ্টেম্বৰঃ বাৰ কাউন্সিল অফ ইণ্ডিয়াই মহাপুৰুষ শ্ৰীমন্ত শংকৰদেৱ বিশ্ববিদ্যালয়ত বিএ এলএলবি পাঠ্যক্ৰম (সন্মান বিষয়) (পাঁচ বছৰীয়া সংযুক্ত পাঠ্যক্ৰম) আৰম্ভ কৰাৰ অনুমতি প্ৰদান কৰিছে ৷

উল্লেখযোগ্য, জুনৰ ১২ তাৰিখে বাৰ কাউন্সিল অফ ইণ্ডিয়াই এই পাঠ্যক্ৰম মুকলি কৰাৰ সম্পৰ্কত পৰিদৰ্শন কাৰ্যসূচী সমাপন কৰিছিল৷

এই পৰিদৰ্শনৰ পিছত যাৱতীয় সকলো প্ৰয়োজনীয় বিধিসন্মত দিশৰ যোগাত্মকতা লাভ কৰি বিশ্ববিদ্যালয়খনক কালি এই অনুমতি প্ৰদান কৰিলে বাৰ কাউন্সিল অফ ইণ্ডিয়াই ৷

বাৰ কাউন্সিল অফ ইণ্ডিয়াৰ BCI D – 3417: 2025 (I.E/Std. 11.9.2025) এক পত্ৰযোগে পঞ্জীয়কলৈ এই বাৰ্তা প্ৰেৰণ কৰা হৈছে । বাৰ কাউন্সিলৰ এই সিদ্ধান্তই বিশ্ববিদ্যালয়খনৰ শৈক্ষিক যাত্ৰাত এক নব সংযোগ ঘটাব ৷

এই বাৰ্তাই বিশ্ববিদ্যালয় পৰিয়ালৈ সুখৰ বতৰা কঢ়িয়াইছে বুলি উপাচাৰ্য অধ্যাপক অশোক কুমাৰ বৰা, পঞ্জীয়ক ড° শৰৎ হাজৰিকাই জনাইছে ৷

উল্লেখ্য, চলিত শিক্ষাবৰ্ষৰ পৰা বিশ্ববিদ্যালয়খনৰ গুৱাহাটী গোটত এই পাঠ্যক্ৰমৰ শুভাৰম্ভ হ’ব ৷ প্ৰণিধানযোগ্য, বিশ্ববিদ্যালয়ৰ গুৱাহাটী গোটত ২০১৫ চনৰ পৰা এল এল এম আৰু পি এইচ ডি পাঠ্যক্ৰম অব্যাহত আছে।