DD TIMES গুৱাহাটী, ১৫ ছেপ্তেম্বৰঃ মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ আইন অধ্যয়ন বিভাগে দুদিনীয়াকৈ নৰ্থ ইষ্টাৰ্ন পুলিচ একাডেমি (নেপা) মেঘালয় ভ্ৰমণ কৰে৷ শৈক্ষিক কাৰ্যসূচীৰ অংশ হিচাপে শিক্ষক-শিক্ষাৰ্থীৰ এটা দ’লে ১২-১৩ ছেপ্তেম্বৰলৈ এই কাৰ্যসূচীত অংশ লয়।

ভ্ৰমণ কালত নেপাৰ উপ-সঞ্চালক (ইনড’ৰ) গেহাবতী চানামবামে ভাৰতীয় দণ্ডবিধি ব্যৱস্থাৰ ওপৰত এক গুৰুত্বপূৰ্ণ বক্তৃতা প্ৰদান কৰে। তেওঁ নেপা-ৰ বিভিন্ন পাঠ্যক্ৰম আৰু ইয়াৰ পাঠ্যসূচীৰ বিষয়েও আলোকপাত কৰে ৷

তেওঁ ছাত্ৰ-ছাত্ৰীসকলৰ সৈতে এক অন্তৰংগ আলাপ অনুষ্ঠানটো অংশ লয়৷ য’ত বিভিন্ন সামাজিক সমস্যা বিষয়ে আলোচনা কৰা হয়৷ তেওঁ কয় সমাজ সলনি কৰিবলৈ হ’লে মানুহৰ মানসিকতাও সলনি হ’ব লাগিব।

ভ্ৰমণ কালত ছাত্ৰ-ছাত্ৰীসকলে নেপাৰ বিভিন্ন বিষয়াবৰ্গৰ সৈতেও মত বিনিময় কৰাৰ উপৰিও গ্ৰন্থাগাৰো পৰিদৰ্শন কৰে ৷

এই ভ্ৰমণত ছাত্ৰ-ছাত্ৰীসকল সংগ দিয়ে আইন বিভাগৰ ডীন অধ্যাপক স্তুতি ডেকা, বিভাগীয় মুৰব্বী ড° প্ৰীতি ৰূপা শইকীয়া, সহকাৰী অধ্যাপক ড° দিবাকৰ শৰ্মা আৰু সহকাৰী অধ্যাপক ড° সুমিতা গোপে।